Goranboy sakininə qarşı dələduzluq edilib

Goranboy şəhər sakininə qarşı dələduzluq edilib.

Bu barədə "Report"a Baş Prokurorluğun Mətbuat Xidmətindən məlumat verilib.

Belə ki, şəhər sakini Ehtiram Məmmədov bir neçə şəxsin əlbir olaraq ipoteka krediti vasitəsilə ev almaq adı ilə onun 4 min 250 manat məbləğində pulunu ələ keçirməsi və digər qanunsuz hərəkətləri ilə bağlı rayon prokurorluğuna müraciət edib.

Müraciət üzrə araşdırma aparılaraq Cinayət Məcəlləsinin 308.1 (vəzifə səlahiyyətlərindən sui-istifadə) və 178.2.1-ci (dələduzluq qabaqcadan əlbir olan bir qrup şəxs tərəfindən törədildikdə) maddələri ilə cinayət işi başlanıb.

İstintaqın gedişində Ehtiram Məmmədova dəymiş ziyanın tam olaraq ödətdirilməsi təmin edilib.