Ələt yaxınlığında nəzarətsiz ərazidə gənc dənizdə batıb

Bakı şəhərinin Qaradağ rayonu, Ələt qəsəbəsi ərazisində, ən yaxın sularda xilasetmə məntəqəsindən təxminən 15 kilometr aralıda yerləşən nəzarətsiz dəniz sahəsində bir nəfər batıb.

Bu barədə "Report"a Fövqəladə Hallar Nazirliyindən (FHN) məlumat verilib.

Bildirililib ki, məlumat əsasında FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb edilərək axtarış-xilasetmə əməliyyatlarına başlayıblar.

Hazırda 2011-ci il təvəllüdlü Əlihəsənov Həsən Asif oğlunun batdığı ehtimal olunan istiqamətlərdə axtarışlar davam etdirilir.

Hadisə ilə bağlı əlavə məlumat veriləcək.