Bank kartları ilə bağlı cinayət hallarının artmasının səbəbi açıqlanıb

Baş Prokurorluğun idarə rəisi Natiq Abdullayev bank kartları ilə bağlı cinayət hallarında artım olduğunu bildirib.

“Report"un məlumatına görə, o, bu barədə Baş Prokurorluğun instaqram hesabındakı canlı yayımında deyib.

N. Abdullayev bunun əsas səbəblərindən birini vətəndaşların plastik kartlardan istifadə ilə bağlı yetərli məlumatlarının olmamasını göstərib.

N.Abdullayev deyib ki, vətəndaş bilmədən könüllü olaraq məlumatlarını dələduzlara ötürür: "Bununla bağlı marrifləndirmə işləri aparılır. Vətəndaş belə dələduzluq halı ilə rastlaşırsa, kart məlumatlarını dondurmalı və aidiyyəti qurumlara müraciət etməlidir. Bu il yaradılan DİN-in Kibercinayətkarlıqla Mübarizə Baş İdarəsində müvafiq işlər görülür”.