Bakıda yeniyetmələr mənzildən qızıl diş və pul oğurlayıb

Bakı. 2 avqust. REPORT.AZ/ Bakıda oğurluqda şübhəli bilinən iki yeniyetmə tutulub.

"Report" Daxili İşlər Nazirliyinin saytına istinadən xəbər verir ki, Yasamal Rayon Polis İdarəsinin 29-cu Polis Bölməsinin əməkdaşlarının keçirdikləri əməliyyat-axtarış tədbirləri nəticəsində iyulun 31-də rayon ərazisindəki mənzillərdən birindən pəncərənin dəmir barmaqlığını sındırmaq yolu ilə oradakı seyfdən 3 000 ABŞ dolları, 15 000 ABŞ dolları dəyərində qızıl əşyalar və 15 ədəd qızıl diş olan protezi oğurlamaqda şübhəli bilinən Bakı şəhər sakinləri olan 2 yeniyetmə saxlanılıb.