Bakıda qadın qaynı arvadına şüşə parçası ilə xəsarət yetirib

Bakıda 40 yaşlı qadın ailə münaqişəsi zamanı xəsarət alıb.

"Report"un məlumatına görə, hadisə Nəsimi rayonunda baş verib.

Belə ki, yaralı, 1981-ci il təvəllüdlü Sevinc Mirzəyeva təcili tibbi yardımın köməkliyi ilə xəstəxanaya çatdırılıb və həkim nəzarətinə götürülüb. Müayinə zamanı onun sağ bazu nahiyəsində bir ədəd kəsilmiş-deşilmiş yara aşkarlanıb. Yaralının dediyinə görə, ona qayını arvadı mübahisə zəminində şüşə parçası ilə xəsarət yetirib.

Hadisənin təfərrüatı araşdırılır.