Ronaldu yeni eynəyini təqdim etdi

İtaliyanın "Yuventus" klubunun və Portuqaliya millisinin futbolçusu Kriştianu Ronaldu "Italia Independent" şirkəti tərəfindən istehsal olunan yeni eynəyi təqdim edib.

"Report"un məlumatına görə, eynəklər "CR7 eyewear" adı ilə buraxılır.

Şirkətdən bildirilib ki, kolleksiyasını təqdim etməkdə məqsəd Ronaldunun tərzini və görünüşünü dünyaya daha yaxşı göstərməkdir.

Ulduz futbolçu yeni eynəyini rəsmi instaqram hesabında da paylaşıb.

Qeyd edək ki, "Italia Independent" "Yuventus" və FIAT avtomobil istehsalçısının sahibi Anyelli ailəsinin üzvü, iş adamı Lapo Elkana məxsusdur.

Посмотреть эту публикацию в Instagram

Публикация от Cristiano Ronaldo (@cristiano)