Premyer Liqa: "Sabah" "Qəbələ"ni məğlub etdi - VİDEO

Futbol üzrə Azərbaycan Premyer Liqasında XVI tura start verilib.

"Report"un məlumatına görə, turun açılış matçında "Sabah" "Qəbələ"ni qəbul edib. "Bank Respublika Arena”da təşkil olunan qarşılaşma meydan sahiblərinin 3:2 hesablı qələbəsi ilə yekunlaşıb.

Görüşdə hesab 5-ci dəqiqədə açılıb. "Qəbələ"nin heyətində Ülvi İsgəndərov fərqlənib. Meydan sahibləri 19-cu dəqiqədə bərabərlik qolunu vura bilib. Qış transfer dönəmində "Sabah"a qayıdan Marko Deviz topu rəqib qapısından keçirib. 3 dəqiqə sonra paytaxt təmsilçisinin heyətində Mario Marina qonaqları ikinci dəfə məyus edib. Birinci hissə bu hesabla bitib.

Qarşılaşmanın 64-cü dəqiqəsində "Qəbələ"nin heyətində Ehtiram Şahverdiyev avtoqol müəllifi olub. 90+1-ci dəqiqədə qonaqların oyunçusu Nikolas Raysel penaltini dəqiq yerinə yetirərək fərqi azalda bilib.

Bu nəticədən sonra 16-cı xalını qazanan "Sabah" 6-cı yerdə qərarlaşıb, "Qəbələ" isə 13 xalla 7-ci sırada qalıb.

Qeyd edək ki, günün digər matçında "Keşlə" "Səbail"i qəbul edəcək. Tura sabah keçiriləcək "Sumqayıt" - "Zirə" və "Qarabağ" - "Neftçi" qarşılaşmaları ilə yekun vurulacaq.

Premyer Liqa: "Sabah" "Qəbələ"ni məğlub etdi - VİDEO