Premyer Liqa: "Araz-Naxçıvan" bu gün "İmişli"ni, "Zirə" "Neftçi"ni qəbul edəcək

Misli Premyer Liqasında VII tura bu gün start veriləcək.

"Report"un məlumatına görə, ilk oyun günündə iki matç keçiriləcək.

Açılış qarşılaşmasında "İmişli" səfərdə "Araz-Naxçıvan"la üz-üzə gələcək. Görüş saat 17:00-da start götürəcək. Qonaqlar 8 xalla yeddinci, Naxçıvan təmsilçisi 11 xalla 4-cü pillədə qərarlaşıb.

Günün ikinci oyununda "Zirə" "Neftçi"ni qəbul edəcək. Bu matç saat 19:00-da başlayacaq. Meydan sahibləri 12 xalla ikinci, "ağ-qaralar" 7 xalla səkkizincidir.

Misli Premyer Liqası

I dövrə, VII tur

3 oktyabr

17:00. "Araz-Naxçıvan"– "İmişli"

Hakimlər: Cavid Cəlilov, Kamran Bayramov, Müslüm Əliyev, Emin Əliyev.

VAR: Rauf Cabarov.

AVAR: Cəmil Quliyev.

Hakim-inspektor: Orxan Məmmədov.

AFFA nümayəndəsi: Kifayət Mustafayeva.

"Liv Bona Dea Arena"

19:30. "Zirə" – "Neftçi"

Hakimlər: Kamal Umudlu, Vüsal Məmmədov, Zöhrab Abbasov, Elvin Bayramov.

VAR: Rəşad Əhmədov.

AVAR: Kamran Əliyev.

Hakim-inspektor: Rəhim Həsənov.

AFFA nümayəndəsi: Elman Musayev.

Zirə İdman Kompleksinin stadionu

Qeyd edək ki, tura oktyabrın 5-də yekun vurulacaq.