"Neftçi"nin mümkün rəqiblərinin sayı azaldı

UEFA Çempionlar Liqasının III təsnifat mərhələsində iştirak edəcək komandaları püşkatma öncəsi qruplara bölüb.

"Report"un məlumatına görə, Azərbaycan çempionu "Neftçi"nin də bu raunddakı potensial rəqiblərinin sayı azalıb.

"Ağ-qaralar" II təsnifat mərhələsində Yunanıstan "Olimpiakos"unu mübarizədən kənarlaşdırsa, növbəti raundda “Mura” (Sloveniya) - “Lüdoqorets” (Bolqarıstan), “Legiya” (Polşa) – “Flora” (Estoniya) və “Linkoln” (Cəbəllütariq) – ÇFR (Rumıniya) cütünün qaliblərindən biri ilə düşəcək.

Qeyd edək ki, III təsnifat mərhələsinin püşkü bu gün atılacaq.