“Neftçi”nin futbolçusu Latviya klubuna keçib

“Neftçi”nin futbolçusu Ramin Nəsirli karyerasını Latviyada davam etdirəcək.

Paytaxt təmsilçisindən “Report”a verilən məlumata görə, gənc yarımmüdafiəçi “Dauqavpils” klubuna keçib.

21 yaşlı oyunçu bu ilin sonunadək adıçəkilən komandaya icarəyə verilib.

Qeyd edək ki, “Neftçi-2”nin aparıcı futbolçularından olan Ramin Nəsirli əsas komandanın heyətində ötən mövsüm 4 (1 qol), bu mövsüm isə 1 rəsmi oyunda meydana çıxıb. O, Azərbaycanın U-21 millisinin üzvüdür.