KİV: Bu gün “Barselona” Busketsin klubdan ayrıldığını elan edəcək

“Barselona”nın yarımmüdafiəçisi Serxio Buskets Kataloniya komandasını tərk edəcək.

“Report” xəbər verir ki, bu barədə jurnalist Fabritsio Romano tviterdə məlumat verib.

Mənbənin məlumatına görə, “Barselona” futbolçunun gedişini mayın 10-da açıqlayacaq. Qeyd olunub ki, Buskets MLS klubuna keçə və ya karyerasını Səudiyyə Ərəbistanı çempionatında davam etdirə bilər. Onun klubla müqaviləsi bu mövsümün sonunda başa çatır.