İngiltərə Premyer Liqası: “Tottenhem” “Mançester Yunayted” üzərində inamlı qələbə qazanıb

İngiltərə Premyer Liqasının ikinci turunun mərkəzi qarşılaşması Londonda “Tottenhem” və “Mançester Yunayted” arasında baş tutub.

“Report” xəbər verir ki, matç “Tottenhem Hotspur Stedium”da keçirilib.

Oyunun 55-ci dəqiqəsində londonluların yarımmüdafiəçisi Pape Sarr hesabı açıb. 83-cü dəqiqədə “mahmızlar” qolların sayını 2-yə çatdırıblar: müdafiəçi Ben Devisin zərbəsindən sonra top Lisandro Martinesə toxunaraq qapıya yuvarlanıb.

Beləliklə, matç “Tottenhem”in inamlı qələbəsi ilə başa çatıb – 2:0.

Xatırladaq ki, ötən mövsüm komandalar iki dəfə qarşılaşıblar. Premyer Liqanın birinci dövrəsində “qırmızı şeytanlar” “mahmızlar”ı 2:0 hesabı ilə məğlub ediblər. İkinci dövrədə isə komandalar heç-heçəyə razılaşıblar – 2:2.

Ötən mövsümün yekununda “Mançester Yunayted” turnir cədvəlində üçüncü, “Tottenhem” isə səkkizinci pillədə qərarlaşıb.

İngiltərə Premyer Liqası: “Tottenhem” “Mançester Yunayted” üzərində inamlı qələbə qazanıb