Honda mövsümün ən yaxşı futbolçusunu müəyyənləşdirdi

"Neftçi"nin sabiq futbolçusu Keysuke Honda Azərbaycan Premyer Liqasında 2020/2021 mövsümünün ən yaxşı oyunçusunu müəyyənləşdirib.

Yaponiyalı yarımmüdafiəçi İdman Araşdırmalar Mərkəzinin "Report"un dəstəyi ilə keçirdiyi səsvermədə "Qarabağ"dan Abdullah Zubiri fərqləndirib.

Zubir ümumilikdə 34 səs toplayıb. Mərakeş əsilli fransalı yarımmüdafiəçi səslərin 32-ni futbolçulardan, 2-ni isə baş məşqçilərdən alıb. "Neftçi"yə rəhbərlik edən Samir Abasovla yanaşı, onun "Sabah"dakı həmkarı Ramin Quliyev də 30 yaşlı oyunçunu bu ada layiq görüb.

Qeyd edək ki, ölkə çempionatında mövsümünün ən yaxşı futbolçusu "Neftçi"də çıxış edən Namik Ələskərov seçilib.