DÇ-2026: Portuqaliya - Konqo oyununda qalib müəyyənləşməyib - YENİLƏNİB-4

Futbol üzrə dünya çempionatında Portuqaliya Konqo Demokratik Respublikası ilə qarşılaşıb.

"Report"un məlumatına görə, Hyuston stadionunda keçirilən K qrupunun I turunun matçında qalib müəyyənləşməyib - 1:1.

Avropalıların heyətində Joau Neveş 6-cı dəqiqədə adını tabloya yazdırıb. Konqoluların qolunu isə 45+5-ci dəqiqədə Yoan Vissa vurub.

Portuqaliya millisində Kriştianu Ronaldu oyunun əvvəlindən sonuna qədər meydanda olub və heç nə ilə yadda qalmayıb.

Qeyd edək ki, bu qrupun digər oyununda saat 06:00-da Özbəkistan Kolumbiya ilə qarşılaşacaq.

22:07

Futbol üzrə dünya çempionatının Portuqaliya - Konqo Demokratik Respublikası oyununda ikinci hissə başlayıb.

"Report"un məlumatına görə, Hyuston stadionunda keçirilən K qrupunun I turunun matçında 1:1 hesablı heç-heçə davam edir.

Qarşılaşmanı qətərli FIFA referisi Abdulrahman Əl-Cassim idarə edir.

21:54

Futbol üzrə dünya çempionatının Portuqaliya - Konqo Demokratik Respublikası oyununda ilk hissə bitib.

"Report"un məlumatına görə, Hyuston stadionunda keçirilən K qrupunun I turunun matçında tərəflər fasiləyə 1:1 hesablı heç-heçə ilə yollanıblar.

Konqonun heyətində 45+5-ci dəqiqədə Yoan Vissa "status-kvo"nu bərpa edərək komandasını fasiləyə bərabərliklə göndərib.

21:11

Futbol üzrə dünya çempionatının Portuqaliya - Konqo Demokratik Respublikası oyununda hesab açılıb.

"Report"un məlumatına görə, Hyuston stadionunda keçirilən K qrupunun I turunun matçında avropalılar hesabda irəli çıxıblar - 1:0.

Joau Neveş 6-cı dəqiqədə adını tabloya yazdırıb.

21:02

Futbol üzrə dünya çempionatının Portuqaliya - Konqo Demokratik Respublikası oyunu başlayıb.

"Report"un məlumatına görə, K qrupunun I turunun matçı Hyuston stadionunda keçirilir.

Qarşılaşmanı qətərli FIFA referisi Abdulrahman Əl-Cassim idarə edir.