"Barselona"nın daha bir futbolçusu El Klasikoda zədələnib

İspaniyanın "Barselona" klubunun futbolçusu Ansu Fati sağ dizindən zədələnib.

"Report" Kataloniya təmsilçisinin rəsmi tviter hesabına istinadən xəbər verir ki, 19 yaşlı hücumçu "Real Madrid"ə 1:2 hesabı ilə uduzduqları La Liqanın X tur oyununda xəsarət alıb.

Onun yaşıl meydanlara nə vaxt qayıdacağı bəlli deyil.

Qeyd edək ki, Ansu Fati ötən ilin noyabrında sıradan çıxdığı üçün uzun müddət komandasına kömək edə bilməyib. O, cari mövsümdə ilk matçını sentyabrda keçirib. Daha əvvəl Frenki De Yonqun da El Klasikoda zədələndiyi açıqlanıb.