Bakı 20° C
Azərbaycan millisinin baş məşqçisi: "Avropa çempionatının favoritlərindən biriyik"
- 16 fevral, 2026
- 15:10
Yeniliklərdən dərhal xəbərdar olun!
Azərbaycanın çimərlik futbolu millisi Avropa çempionatının favoritlərindən biridir.
Bunu "Report"a açıqlamasında komandanın baş məşqçisi Sahib Məmmədov deyib.
O, yığmanın qarşıdakı hədəfləri və rəqibləri barədə danışıb:
"Hələ qrupumuz bəlli deyil. Lakin B divizionundakı rəqiblərə baxanda, kağız üzərində biz ən yaxşılardan biriyik. Yarış Gürcüstanda keçiriləcək. Orada İngiltərə və Qazaxıstan kimi komandalar da var. Amma hesab edirəm ki, daha yaxşı hazırlaşıb, A divizionu və çempionluq uğrunda mübarizə aparacağıq. Rəqiblər "dişimizə görə"dir".
Qeyd edək ki, Azərbaycan millisi Avropa çempionatında B divizionunda yarışacaq. Turnirdə 8 komanda – Gürcüstan, Azərbaycan, Latviya, Qazaxıstan, Belçika, Malta, İngiltərə və Norveç milliləri mübarizə aparacaq.
Müəllif
