Pyer Qaslinin Monako Qran-prisindəki podium mövqeyi bərpa olunub

Beynəlxalq Avtomobil Federasiyası "Alpin" komandasının pilotu Pyer Qaslinin "Formula 1" üzrə Monako Qran-prisindəki podium mövqeyini bərpa edib.

"Report" xəbər verir ki, komandanın apellyasiya şikayətinə müsbət cavab verilib.

Qasli Monte Karlodakı yarışda sürət həddinin aşılmasına görə iki dəfə 5 saniyəlik cəza alıb. O, yekun sıralamada üçüncü yerdən altıncı sıraya düşüb.

Lakin "Alpin"in şikayətindən sonra Qaslinin sürət limitini pozmadığı müəyyən edilib və bu səbəbdən cəzalar ləğv olunub.

Beləliklə, İsak Hacar ("Red Bull") dördüncü yerə geriləyib və podiumdakı yerini itirib.

Xatırladaq ki, "Mercedes" komandasının pilotu Andrea Kimi Antonelli Monako Qran-psisində birinci yeri tutub.