“Formula 1”in sabiq rəhbəri yarış tarixinin ən yaxşı pilotunu açıqlayıb

“Formula 1”in sabiq rəhbəri Berni Ekklstoun yarış tarixinin ən yaxşı pilotunu açıqlayıb.

“Report” xəbər verir ki, 92 yaşlı funksioner hazırkı çempion Maks Ferstappeni “Formula 1”in ən güclü sürücüsü hesab edir.

O, indiyə qədər heç kimin “Red Bull”un niderlandlı pilotu səviyyəsində çıxış etmədiyini düşünür: “Mən “Formula 1”də iştirak etmiş çox sayda böyük pilot tanıyıram. Lakin Maks Ferstappen yarış tarixinin ən yaxşısıdır”.

Qeyd edək ki, 26 yaşlı Ferstappen “Formula 1” üzrə üçqat dünya çempionudur. O, bir mövsümdə ən çox qələbə (17 dəfə) rekorduna malikdir.