Sayad Əbdürəhmanov: "Azərbaycanda güclü idmançılar var"

"Azərbaycanda Tofiq Musayev, Nəriman Abbasov, Rafael Ağayev kimi güclü idmançıların olduğunu deyə bilərəm".

"Report"un məlumatına görə, bunu Azərbaycan əsilli MMA döyüşçüsü Rafael Fiziyevin meneceri Sayad Əbdürəhmanov Bakıda keçirilən mətbuat konfransında bildirib.

O, hər zaman güclü və ambisiyalı idmançılarla çalışmaq istədiyini söyləyib: "UFC tək idman təşkilatı deyil. Burada ingilis dili və digər məsələrə də diqqət yetirilir. İnanıram ki, azərbaycanlı idmançılar da bu sahədə öz sözlərini deyəcəklər”.

Menecer Azərbaycan təmsilçiləri ilə iş potensialından da söz açıb: "İdmançıların üzv olduğu təşkilatlarla müqavilələri olur. Bu səbəbdən, başqa döyüşçüləri öz tərəfimizə çəkə bilmərik".