Dünya Kuboku: Azərbaycanın yeniyetmə şahmatçısı seçmə mərhələnin qalibi olub

Azərbaycanın yeniyetmə şahmatçısı Cahandar Azadəliyev rapid üzrə Dünya Kubokunda seçmə mərhələnin qalibi olub.

"Report"un məlumatına görə, o, 12 yaşadək şahmatçılar arasında onlayn formatda keçirilən yarışda bütün görüşlərini qələbə ilə başa vurub.

10 mümkün xaldan hamısını toplayan Azadəliyev final mərhələsinə vəsiqə qazanıb.

Qeyd edək ki, təsnifat mərhələsində iştirak edən Azərbaycanın digər iki şahmatçısından Ramazan Şərifov 54-cü, İsmayıl Məmmədov isə 186-cı yeri tutub.