OPEC+ alyansının iclası öncəsi neftin qiyməti artıb

OPEC+ alyansının hasilatla bağlı qərarının gözləndiyi bir zamanda neftin qiyməti artıb.

“Report” xəbər verir ki, Şimal dənizində hasil olunan “Brent” markalı neftin aprel fyuçersləri 0,41 % bahalaşaraq, 1 bareli 88,63 ABŞ dollarına satılıb. "WTI" markalı neftin mart fyuçerslərinin qiyməti isə 0,42 % artaraq, 1 bareli 88,53 ABŞ dolları təşkil edib.

İnvestorlar OPEC+ alyansının fevralın 2-nə planlaşdırılmış növbəti iclasını gözləyirlər. Həmin gün alyans üzvləri neftin mart ayındakı hasilatı ilə bağlı qərar qəbul edəcək. OPEC+ alyansının neft hasilatını planlaşdırıldığı kimi hər ay gündəlik 400 min barel artırılmasına sadiq qalacağı gözlənilir.

Ukrayna və Rusiya arasında geosiyasi gərginliyi də bazardakı qiymətlərə təsir edir.