Neftin qiyməti artıb

Neft ABŞ-da enerji resursları ehtiyatları haqqında məlumatların dərc edilməsi fonunda bahalaşıb.

“Report” “İnterfaks”a istinadən xəbər verir ki, bu məlumatlar ötən həftə ABŞ-da benzin və distillyat ehtiyatlarının azaldığını göstərir.

Nəticədə Londonun Londonun “ICE Futures” birjasında “Brent” markalı neftin mart fyuçerslərinin qiyməti 0,81 dollar (1,03%) artaraq 1 barel üçün 79,50 dollar təşkil edib.

Nyu-York əmtəə birjasında (NYMEX) WTI markalı neftin fevral fyuçersləri 1 barel üçün 0,79 dollar (1,07%) bahalaşaraq 74,46 dollara satılıb.