Çində makroiqtisadi statistika açıqlandıqdan sonra neft ucuzlaşıb

Çində makroiqtisadi statistikanın açıqlanmasından sonra dünya bazarında neft qiymətləri düşüb.

“Report” birjalara istinadən xəbər verir ki, Şimal dənizində hasil olunan “Brent” markalı neftin yanvar fyuçersləri 0,54 % ucuzlaşaraq 1 bareli 90,85 ABŞ dollarına satılıb. "WTI" markalı neftin dekabr fyuçerslərinin qiyməti 0,61 % düşüb və 1 bareli 84,53 ABŞ dolları təşkil edib.

Birjalar Çində statistik məlumatların dərc olunmasına reaksiya verib. Belə ki, ÇXR Baş Gömrük İdarəsinin məlumatına görə, 2022-ci ilin ilk üç rübündə Çin neft idxalını illik ifadədə 4,3 % azaldıb.