BTC ilə neft ixracının gündəlik həcmi 3 %-dən çox azalıb

Bu ilin yanvar-aprel aylarında Bakı-Tbilisi-Ceyhan (BTC) boru kəməri ilə gündəlik 70,753 milyon barel neft ixrac edilib.

“Report” Türkiyənin “Botas” şirkətinə istinadən xəbər verir ki, bu, 2024-cü ilin eyni dövrü ilə müqayisədə 3,3 % azdır.

2025-ci ilin aprel ayında BTC ilə 18,51 milyon barel neft ixrac edilib ki, bu da ötən ilin eyni ayı ilə müqayisədə 3,84 % çoxdur.

Hazırda BTC ilə “Azəri-Çıraq-Günəşli” (AÇG) yataqlar blokundan hasil edilən neft və “Şahdəniz” kondensatı, həmçinin Azərbaycan Dövlət Neft Şirkətinin (SOCAR) neft və kondensatı nəql edilir. Bundan başqa, digər mənbələrdən, o cümlədən Qazaxıstandan da nəql həyata keçirilir.

2024-cü ildə boru kəməri ilə 224,142 milyon barel neft (2023-cü illə müqayisədə 2 % azalıb) ixrac edilib.