Azərbaycan Niderlanda elektrik naqil ixracını 125 dəfə artırıb

Bu ilin yanvar-fevral aylarında Azərbaycana xaricdən 6,432 milyon ABŞ dolları dəyərində 742 ton elektrik naqilləri (1 000 V-dan çox olmayan/çox gərginlik üçün) gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 19 %, kəmiyyət olaraq – 9 % çoxdur.

Azərbaycan Türkiyədən 1,43 milyon ABŞ dolları dəyərində (bir il əvvəlki göstəricidən 39 % azdır) 240 ton (-25 %), Çindən 1 milyon ABŞ dolları dəyərində (+24 %) 189,1 ton (+47 %), Böyük Britaniyadan 885,1 min ABŞ dolları dəyərində (+9 dəfə) 25 ton (+5,5 dəfə), Özbəkistandan 464,2 min ABŞ dolları dəyərində (+46,4 min dəfə) 113 ton (+11,3 min dəfə), Ukraynadan 347,2 min ABŞ dolları dəyərində (-26 %) 58,4 ton (-21,4 %) məhsul alıb.

Hesabat dövründə Azərbaycandan xarici ölkələrə 1,11 min ABŞ dolları dəyərində (+4 dəfə) 281 ton (+5,1 dəfə) elektrik naqili ixrac edilib.

Belarusa 793 min ABŞ dolları dəyərində 231 ton (bir il əvvəl tədarük olmayıb), Gürcüstana 108 min ABŞ dolları dəyərində (-3 %) 38,32 ton (+1,6 %), Niderlanda 98,43 min ABŞ dolları dəyərində (+50 dəfə) 2,49 ton (+125 dəfə), Ukraynaya 33,41 min ABŞ dolları dəyərində 8,81 ton (bir il əvvəl tədarük olmayıb), Almaniyaya 26,66 min ABŞ dolları dəyərində 0,2 ton (bir il əvvəl tədarük olmayıb) məhsul göndərilib.