Azərbaycan birinci rübdə emal etdiyi neftin həcmini açıqlayıb

Bu ilin yanvar-mart aylarında Azərbaycanda 1,4 milyon ton neft emal edilib.

“Report” xəbər verir ki, bu barədə Energetika Nazirliyinin  açıqladığı operativ məlumatlarında deyilir.

Bu, 2024-cü ilin ilk rübünün göstəriciləri ilə müqayisədə 0,2 min ton və ya 12,5 % azdır.

Xatırladaq ki, 2024-cü ilin yanvar-mart aylarında ölkədə neftin emalı 1,6 milyon tona yaxın təşkil edib.

Qeyd edək ki, SOCAR-ın Heydər Əliyev adına NEZ-i regionumuzun yeganə neft emalı müəssisəsi olaraq, Azərbaycanın Ai-92, dizel və təyyarə yanacağı kimi yanacaq məhsulları ilə təmin etməklə yanaşı, SOCAR-ın Azərbaycandakı neft-kimya müəssisələrini də xammal ilə təchiz edir. Zavodda istehsal edilən məhsulun bir qismi isə ixrac olunur. NEZ-in istehsal gücünün artırılması, ölkənin "Avro-5" standartına uyğun olan yüksək keyfiyyətli yanacaqla təmin edilməsi, “Azərikimya” İB-nin sabit xammal təchizatı və neft məhsullarının ixrac potensialının yüksəldilməsi məqsədi ilə həyata keçirilən modernizasiya və yenidənqurma işləri ölkə sənayesi üçün mühüm əhəmiyyət daşıyır.