Təhsil Nazirliyi orta məktəblərdə aparılan qiymətləndirmənin səbəbini açıqlayıb

“Distant təhsil zamanı mövcud öyrənmənin hansı səviyyədə olmasını ölçmək üçün qiymətləndirmə lazımdır. Bu qərarın verilməsi gözlənilməz deyildi. Valideynlərə paylanılan iltizam vərəqələrində də qeyd edilmişdi ki, övladının biliyi qiymətləndiriləcək”.

“Report” xəbər verir ki, bunu Təhsil Nazirliyinin Ümumi təhsildə məzmun, tədris və qiymətləndirmə şöbəsinin müdiri Vəfa Yaqublu “Xüsusi karantin rejimi dövründə məktəbdaxili qiymətləndirmə” mövzusunda danışarkən deyib.

Nazirlik rəsmisi qeyd edib ki, süni qiymətləndirmə etmirlər: “Nə ilə rastlaşacağımızı bilirik. Amma yenə də şagirdlərin biliyinin ölçülməsi lazımdır. Bilmək istəyirik ki, şagirdlərin biliyində hansı axsamalar var”.