Təhsil naziri şöbə müdirinə yeni vəzifə verib

Təhsil naziri Emin Əmrullayev özünə yeni müşavir təyin edib.

"Report"un xəbərinə görə, bununla bağlı nazir əmr imzalayıb.

Əmrə əsasən, bu vəzifəyə Nicat Məmmədli gətirilib. O, bu təyinata qədər nazirliyin Elm və ali təhsil şöbəsinin müdiri işləyib. Həmin vəzifə Yaqub Piriyevə həvalə olunub.

Nazirin digər əmri ilə Peşə Təhsili üzrə Dövlət Agentliyinin direktoru Valeh Mirzaliyevdə işdən çıxarılaraq müşavir təyin olunub. Ceyhun Kərəmova isə həmin agentliyin direktoru vəzifəsi həvalə olunub. O, buna qədər orada sədr müavini olub.

Bundan başqa, Ümumi təhsilin təşkili və idarəolunması şöbəsinin müdiri vəzifəsinə Elnur Əliyev təyin olunub.