"Neftçi"nin kapitanı: "Dünya çempionatında favoritim Braziliyadır"

"Uşaqlıqdan Braziliya yığmasının azarkeşiyəm və onları favorit kimi görürəm".

Bunu "Report"a müsahibəsində "Neftçi"nin və Azərbaycan millisinin kapitanı Emin Mahmudov Qətərdə keçirilən dünya çempionatı ilə bağlı danışarkən deyib.

30 yaşlı yarımmüdafiəçi Səudiyyə Ərəbistanı yığmasının onu bir az təəccübləndirdiyini bildirib: "Onlar çox yaxşı futbol oynayırlar, heç kimdən çəkinmirlər və maraqlı taktikaları var".

Mahmudov mundialın mövsümün ortasında keçirilməsi barədə də danışıb: "Mənim üçün fərq etmir. Dünya çempionatı futbolun ən vacıb turniridir və həmişə maraqlıdır".

Emin Mahmudovun müsahibəsinin tam versiyasını buradan oxuya bilərsiniz.