"Hər məsciddə kitabxana" layihəsinin növbəti mərhələsi başa çatıb

Digər

31 oktyabr, 2025
11:33

Hər məsciddə kitabxana layihəsinin növbəti mərhələsi başa çatıb

Dini Qurumlarla İş üzrə Dövlət Komitəsinin tabeliyində fəaliyyət göstərən Mənəvi Dəyərlərin Təbliği Fondu tərəfindən icra olunan "Hər məsciddə kitabxana" layihəsinin növbəti mərhələsi başa çatıb.

Bu barədə "Report"a Komitədən məlumat verilib.

Qeyd edilib ki, bu mərhələdə Mil-Muğan və Şirvan-Salyan bölgələrində yerləşən məscidlərə dini, fəlsəfi, tarixi və ədəbi mövzularda müxtəlif nəşrlərdən ibarət kitab dəstləri təqdim olunub.

Layihənin əsas məqsədi məscidlərin yalnız ibadət məkanı kimi deyil, eyni zamanda maarifləndirici və ictimai fəaliyyətlərdə iştirak edən mərkəzlərə çevrilməsidir. Kitabxanaların yaradılması oxu mədəniyyətinin təşviqinə, milli-mənəvi dəyərlərin yayılmasına və cəmiyyətin maariflənməsinə mühüm töhfə verir.

2025-ci ilin sonunadək layihə çərçivəsində ölkə üzrə 250 məscidin kitabxana ilə təmin olunması və layihənin növbəti illərdə də davam etdirilməsi planlaşdırılır. Fond tərəfindən hər il məscidlərə kitab rəfləri və ümumilikdə 100 adda 25 min nüsxə kitabın çatdırılması təmin olunacaq.

Hacıqabul şəhəri

1. Hacıqabul şəhəri "Cümə" məscidi

Şirvan şəhəri

2.Şirvan şəhəri "Cümə" məscidi

3.Şirvan şəhəri "Zeynalabidin" məscidi

4.Şirvan şəhər məscidi

Sabirabad rayonu

5.Sabirabad şəhəri "Heydər" məscidi

6.Sabirabad rayonu Bulduq kənd məscidi

Saatlı rayonu

7.Saatlı şəhəri "Cümə" məscidi

8.Saatlı şəhəri "Həzrət Əli" məscidi