Yoav Qalant: İsrail ordusu tezliklə “Hizbullah” üçün "yeni sürprizlər" təşkil edəcək

İsrail “Hizbullah”ın hərbi obyektləri məhv edilənə qədər əməliyyatı davam etdirəcək.

"Report" "The Times of Israel"ə istinadən xəbər verir ki, bunu İsrailin müdafiə naziri Yoav Qalant deyib.

O qeyd edib ki, “Hizbullah"a güclü zərbələr endirilir və İsrail ordusu “yeni sürprizlər” təşkil edəcək:

"Biz artıq “Hizbullah”ın lideri Həsən Nəsrullahı öldürmüşük. Ehtiyatda daha çox sürprizlərimiz var, onların bəziləri artıq nümayiş etdirilib, bəziləri isə hələ həyata keçiriləcək".