Yəməndə məscidə qumbara atılıb, 9 nəfər ölüb, 12 insan yaralanıb

Yəməndə naməlum şəxs Əl-Beyda əyalətindəki məscidlərdən birinə qumbara atıb.

"Report" "Al Hadath" telekanalına istinadən xəbər verir ki, hadisə nəticəsində 9 nəfər ölüb, daha 12 nəfər yaralanıb.

Məlumata görə, hadisə iyunun 7-də dindarların axşam namazı üçün toplaşdığı Karn əl-Əsəd kəndində baş verib. Agentlik bildirir ki, hücum edən şəxs psixi pozğunluqdan əziyyət çəkə bilər.

Cinayətkarın hücumdan təxminən saat yarım sonra saxlanıldığı qeyd edilir.

Atışma qurbanlarından biri 12 yaşlı uşaq olub.