Yəmən Müdafiə Nazirliyində partlayış olub, ölənlər və yaralananlar var

Yəmən Müdafiə Nazirliyinin Maarib əyalətində yerləşən müvəqqəti qərargahında baş verən partlayış nəticəsində 2 nəfər ölüb.

“Report” RİA “Novosti”yə istinadən xəbər verir ki, Yəmənin müdafiə naziri Məhəmməd Əli əl-Makdaşi sağ qalıb.

Bildirilib ki, partlayış ordununun müvəqqəti qərargahında müdafiə naziri ilə nazirlik rəhbərlərinin görüşü zamanı baş verib: “İlkin məlumata əsasən, iki hərbçi ölüb, tədbirdə iştirak edən başqaları yaralanıb, nazir sağ qalıb”.

Məlumata görə, hadisənin husi qiyamçılarının atdığı raketin partlaması nəticəsndə baş verdiyi ehtimal edilir.