Yaponiyada zəlzələ olub​

Bakı. 2 fevral. REPORT.AZ/ Yaponiyanın Xonsyu adasının şərq sahilində 5,6 bal gücündə zəlzələ baş verib.

"Report" xarici KİV-ə istinadən xəbər verir ki, bu haqda ABŞ-ın Geoloji Xidməti məlumat yayıb.

Məlumata görə, yeraltı təkanlar yerli vaxtla saat 14.31-də (Bakı vaxtı ilə 09.31) Miyako şəhərindən 85 km şərqdə qeydə alınıb. Zəlzələnin ocağı 17,5 km dərinlikdə yerləşib.

Dağıntı və xəsarət alanlar barədə məlumat yayılmayıb. Sunami təhlükəsi elan olunmayıb.