Volodimir Zelenski: “Milyonlarla afrikalı ailə artıq Ukraynaya qarşı müharibəni hiss edib”

“Bəziləri düşünə bilər ki, Rusiyanın Ukraynaya qarşı apardığı müharibə Afrika İttifaqı ölkələrindən çox uzaqdır. Lakin əhəmiyyətli dərəcədə artan ərzaq qiymətləri artıq milyonlarla afrikalı ailənin evinə çatıb”.

“Report” “RBC-Ukrayna”ya istinadən xəbər verir ki, bu barədə Ukrayna Prezidenti Volodimir Zelenski Afrika İttifaqına müraciətində bildirib.

O qeyd edib ki, bu vəziyyət dünyada hər şeyin necə bir-birinə bağlı olduğunu nümayiş etdirir.

“Avropadakı bir müharibə, yəni Rusiyanın torpaqlarımızı ələ keçirmək cəhdi hər yerdə qida əldə etməklə bağlı vəziyyətin pisləşməsinə və aclıq təhlükəsinin artmasına səbəb olub”, - V.Zelenski vurğulayıb.