Viktor Orban: Tramp Ağ Evə qayıdarsa, Ukraynadakı hərbi əməliyyatları maliyyələşdirməyəcək

ABŞ-ın keçmiş prezidenti Donald Trampın Ukraynadakı münaqişəyə son qoymaq planı var.

“Report” xəbər verir ki, bunu “M” telekanalına müsahibəsində Macarıstanın baş naziri Viktor Orban deyib.

Martın 8-də Floridadakı malikanəsində Trampla görüşən Macarıstan hökumətinin başçısı əlavə edib: “Onun bu müharibəni bitirmək üçün kifayət qədər ətraflı planları var, lakin bu planların mahiyyəti haqqında danışmaq səlahiyyətinə malik deyiləm”.

O qeyd edib ki, ABŞ prezidentliyinə Respublikaçılar Partiyasından namizədliyini irəli sürən keçmiş Amerika lideri Donald Tramp Ağ Evə qayıdarsa, Ukraynadakı hərbi əməliyyatları maliyyələşdirməyəcək və Avropanın təhlükəsizliyinə vəsait ayırmayacaq.