ÜST Ukraynada mümkün kimyəvi hücumlara qarşı hazırlıqlara başlayıb

"Ümumdünya Səhiyyə Təşkilatı (ÜST) Ukraynada mümkün kimyəvi hücumlara qarşı hazırlaşır".

“Report” “RBK Ukrania”ya istinadən xəbər verir ki, bunu ÜST-nin Avropa üzrə regional direktoru Hans Kluge “Röyters”ə müsahibəsində deyib.

“Müharibənin daha da gərginləşməyəcəyinə kimsə zəmanət verə bilməz. Ümumdünya Səhiyyə Təşkilatı bütün ssenariləri nəzərdən keçirir. Biz Ukrayna xalqı arasında kütləvi ölümlərin qarşısının alınması və kimyəvi maddələrin təsirinin minimum olması üçün qabaqlayıcı tədbirlər görürük”, - o əlavə edib.