Ukrayna üzrə ikinci sammitin mümkün tarixi açıqlanıb

İsveçrənin xarici işlər naziri İqnatsio Kassis Ukrayna üzrə növbəti sülh sammitinin ABŞ-dəki prezident seçkilərindən öncə təşkil edilə biləcəyini bildirib.

“Report” xəbər vrir ki, bu barədə “The Guardian” yazıb.

“İsveçrədə bu həftəsonu baş tutmuş danışıqların davamı olaraq Ukraynada sülhə yol açmaq məqsədi daşıyan növbəti sammit noyabrda ABŞ-də keçiriləcək prezident seçkilərdən öncə mümkün ola bilər”, – qəzet XİN başçısından sitat gətirib.

Xatırladaq ki, bu həftəsonu İsveçrədə Ukraynanın təşəbbüsü ilə ilk sülh sammiti baş tutub. Burada 100-dən çox ölkənin və beynəlxalq təşkilatların nümayəndələri iştirak edib. Sammitin sonunda iştirakçıları bir qismi birgə kommünike imzalayıb.