Ukrayna Rusiyaya məxsus "Kalibr" raket daşıyıcı gəmini vurub

Ukrayna işğal altında olan Krımda Rusiyaya məxsus "Kalibr" qanadlı raket daşıyıcısını vurub.

"Report" xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin teleqram kanalında məlumat verilib.

Bildirilib ki, əməliyyatı Ukrayna Müdafiə Nazirliyinin Baş Kəşfiyyat İdarəsinin Aktiv Əməliyyatlar Departamentinin hərbçiləri həyata keçiriblər.

"Nəticədə Temrük körfəzində raketlərin potensial buraxılış zonasında olan gəmi zədələnib və döyüş növbətçiliyi bölgəsini tərk etməyə məcbur olub", - məlumatda qeyd edilib.