Tramp İran ətrafındakı vəziyyətlə bağlı görüşlər keçirəcək

ABŞ Prezidenti Donald Tramp İran ətrafındakı vəziyyətə həsr olunmuş bir neçə görüş keçirməyi planlaşdırır.

"Report" xəbər verir ki, Nyu-York meri Zöhran Mamdani ilə görüşdən sonra Tramp İranda vəziyyətin mürəkkəb olaraq qaldığını bildirib.

"Onların işləri çox pis gedir", - Amerika lideri İran tərəfini nəzərdə tutaraq söyləyib.

Tramp İran ətrafındakı vəziyyəti məhz kiminlə müzakirə etmək niyyətində olduğunu dəqiqləşdirməyib. Onun iş qrafikinə əsasən, yaxın saatlarda ABŞ Prezidenti Nyu-Yorkda Fransa Prezidenti Emmanuel Makronla görüşməyi planlaşdırır.