Tayvanda 5,2 maqnitudalı zəlzələ qeydə alınıb

Tayvanda 5,2 maqnitudalı zəlzələ baş verib.

“Report” xəbər verir ki, bu barədə Avropa – Aralıq dənizi Seysmoloji Mərkəzi məlumat yayıb.

Bildirilib ki, yeraltı təkanların episentri təxminən 771 min əhalisi olan Taynan şəhərindən 42 kilometr şimal-şərqdə yerləşib. Zəlzələ ocağı 2 kilometr dərinlikdə olub.

Xəsarət alanlar və dağıntılar barədə məlumat daxil olmayıb.