"Taliban" 43 tərəfdarını yüksək vəzifəyə təyin edib

Əfqanıstanda hakimiyyəti ələ keçirən “Taliban” hərəkatı öz tərəfdarlarından 40-dan çoxunu ölkənin əyalətlərində güc strukturlarında ən mühüm vəzifələrə təyin edib.

“Report” TASS-a istinadən xəbər verir ki, bu barədə Əfqanıstanın "Ariana News" telekanalı məlumat yayıb.

Bildirilib ki, əyalət qubernatorları, onların müavinləri və regional polis idarələrinin rəisləri də daxil olmaqla, Əfqanıstan bölgələrində əsas vəzifələrə 43 “Taliban” nümayəndəsi təyin edilib. Belə ki, paytaxt vilayətinin qubernatoru vəzifəsini Kari Baryal tutub.

Qeyd olunub ki, həyata keçirilən təyinatlar Əfqanıstanda hərəkatın hakimiyyəti ələ keçirməsindən sonra “Taliban”ın elan etdiyi kadr siyasəti sahəsində ən iddialı addımdır.