​Şübhəli şəxs polisi dişlədiyi üçün tutuldu

Bakı. 25 dekabr. REPORT.AZ/ Kanadanın Ottava Şəhərində qeyri-adi hadisə baş verib.

"Report"un məlumatına görə, hava limanında çalışan polis əməkdaşı şübhələndiyi bir şəxsi saxlamağa cəhd edib. Bu zaman həmin adam polisi dişləyib.

Polis əməkdaşi 20 yaşlı gənci əlavə kömək gəldikdən sonra saxlamağa müvəffəq olub.

Həkimlərin sözlərinə görə saxlanılan şəxs sayıqlama vəziyyətində imiş və bu hərəkəti qeyri-ixtiyari edib.

Polis əməkdaşına isə ilk tibbi yardım edildikdən sonra evə buraxılıb.