Sloveniya XİN başçısı Ukraynaya gedəcək

Sloveniyanın xarici işlər naziri Tanya Fayon Ukraynaya işgüzar səfər edəcək.

“Report” “RBK-Ukraina”ya istinadən xəbər verir ki, bu barədə Sloveniya Xarici İşlər Nazirliyindən bildirilib.

Qeyd olunub ki, səfər bu ayın sonuna planlaşdırılır. Tanya Fayon həmkarı Dmitro Kuleba ilə görüşəcək.

Xatırladaq ki, iyulun əvvəlində İsveçin Baş naziri Maqdalena Andersson Ukraynaya gəlmişdi. O, səfəri çərçivəsində Rusiyanın işğalı altında olan Buça və Borodyankaya baş çəkmişdi.