Slovakiyada hərbi təyyarə qəzaya uğrayıb

Bakı. 10 oktyabr. REPORT.AZ/ Slovakiyanın Sliaç aviabazası ərazisində "L-39" tipli hərbi təyyarə qəzaya uğrayıb.

“Report” xəbər verir ki, bunu jurnalistlərə ölkənin müdafiə idarəsinin rəhbəri Peter Qaydoş deyib.

Bildirilir ki, hər iki pilot katapult edə bilib.

Qaydoşun sözlərinə görə, təlimlərə iki hava gəmisi cəlb olunub.

"Sonra hava hərəkətləri zamanı təyyarələrdən biri idarəetməni itirib və yerə düşüb", - deyə o, əlavə edib.

İdarə rəhbəri həmçinin bildirib ki, hadisəyə təyyarənin mühərrikinin sıradan çıxması səbəb olub.

Xatırladaq ki, "Report" ötən ay Amerikanın Cənubi Karolina ştatında ən yeni istehsallardan olan "F-35B" tipli təyyarə qəzaya uğraması barədə xəbər dərc etmişdi.