Sırski: Cəbhədə vəziyyəti dəyişmək üçün Ukraynaya müasir dronlara qarşı silahlar lazımdır

Ukraynaya Rusiya ordusunun intensivləşən müasir dron hücumlarına qarşı silahlar daha çox lazımdır.

Bu barədə Ukrayna Silahlı Qüvvələrinin Baş komandanı, ordu generalı, Oleksandr Sirski keçirdiyi mətbuat konfransında "Report"un Şərqi Avropa bürosunun sualını cavablandırarkən bildirib.

Baş komandan Ukrayna ordusuna, cəbhədə vəziyyəti operativ dəyişmək üçün ehtiyac olan silahların adlarını açıqlayıb. O, düşmənin strateji hərbi mövqelərini məhv etmək üçün müvafiq raket sistemlərinə daha çox ehtiyac duyulduğunu deyib:

"Düşünürəm ki, bu silahlarla tam təminat cəbhədə kifayət qədər irəliləyişə səbəb olar".