Şimali Koreya nüvə arsenalını genişləndirməkdə qərarlıdır

Koreya Xalq Demokratik Respublikası (KXDR) nüvə arsenalını genişləndirməyə qətiyyətlə sadiqdir.

“Report” xəbər verir ki, bu fikirlər ABŞ kəşfiyyatının ölkəyə qarşı “qlobal təhdidlər”lə bağlı illik hesabatının məxfi olmayan versiyasında yer alıb.

Qeyd olunub ki, Kim Çen In ölkəsinin nüvə arsenalını genişləndirməyə və nüvə silahını milli təhlükəsizlik arxitekturasının mərkəzi hissəsi kimi saxlamağa qətiyyətlə sadiqdir.

“Şimali Koreya, ehtimal ki, zərurət yaranarsa, taktiki nüvə əməliyyatlarını asanlaşdırmaq üçün bəyan etdiyi hərbi modernləşdirmə məqsədlərinə yaxınlaşmaq üçün nüvə silahını sınaqdan keçirməyə hazırlaşır” - məlumatda deyilir.