Səudiyyə Ərəbistanı husiləri Yəməndəki münaqişənin həlli üçün danışıqlara dəvət edib

Səudiyyə Ərəbistanı üsyançı “Ənsar Allah” (husilər) hərəkatının nümayəndələrinə Yəməndəki münaqişənin həlli üzrə danışıqlarda iştirak etmək üçün rəsmi dəvət göndərib.

“Report” xəbər verir ki, bu barədə Səudiyyə Krallığının Xarici İşlər Nazirliyi bəyanat yayıb.

“Səudiyyə Ərəbistanı və Omanın Yəməndə daimi və hərtərəfli atəşkəsə, eləcə də bütün tərəflər üçün məqbul olan davamlı siyasi həllə nail olmaq səylərinin davamı olaraq, Sənadan bir nümayəndə heyəti məsləhətləşmələr üçün krallığa dəvət edilib”, - xarici siyasət idarəsi açıqlayıb.