Rusiya və ABŞ Venesueladakı hadisələri izləyir

Rusiya Prezidenti Vladimir Putin ölkə Təhlükəsizlik Şurasının üzvləri ilə Venesueladakı mövcud vəziyyəti müzakirə edib.

“Report” “RİA Niovosti”yə istinadən xəbər verir ki, bu barədə Rusiya Prezidentinin mətbuat katibi Dmitri Peskov məlumat verib. 

O, Venesuelada dövlət çevrilişi cəhdinə dair gələn məlumatları dəyərləndirdiklərini diqqətə çatdırıb.

Bununla yanaşı, Venesueladakı hadisələr barədə ABŞ Prezidenti Donald Tramp da məlumatlandırılıb. Ağ Evin mətbuat katibi Sarah Sanders həmin ölkədəki vəziyyəti izlədiklərini qeyd edib.