Rusiya Ukraynanın Zaporojye vilayətində sərnişin qatarına zərbə endirib

Rusiya pilotsuz uçuş aparatları ilə Ukraynanın Zaporojye vilayətindəki lokomotivə və sərnişin qatarına zərbələr endirib.

"Report" xəbər verir ki, bu barədə "RBK-Ukrayna" "Ukrzaliznıtsi"nın mətbuat xidmətinə və Ukraynanın bərpa, infrastruktur və nəqliyyat naziri Nikolay Kalaşnikin teleqram kanalındakı məlumatına istinadən bildirib.

"Rusiyanın Zaporojye vilayətinə etdiyi dron hücumu nəticəsində sərnişin qatarı zədələnib", - vurğulanıb.

Qeyd olunub ki, bütün sərnişinlər, həmçinin lokomotiv və qatar briqadalarının üzvləri vaxtında təxliyə edilib.

İlkin məlumatlara görə, yaralanan yoxdur. Təxliyə edilənlər sığınacaqdadırlar, daha sonra onlar avtobuslarla Zaporojyeyə çatdırılacaqlar.